amicidisantateresa

MA FERMETE UN FIA

di Olga Fioravanti

                                    Anima tormentà,

                                    no ti si mai contenta,

                                    te serchi,te rumi,

                                    te vorissi de più.

                                  

                                                           Par robe mai vude

                                                           el to cor se lamenta,

                                                           te consumi la vita

                                                           pianzendoghe su.

                       

Ma fèrmete un fià

                                    e alsa chea testa,

                                    va fora na note

                                   a vardare le stéle,

                                              

                                                           le slùsega in celo,

                                                           le ze tanto bèle;

                                                           un dono de amore

                                                           che Dio te ga fato,

                                  

                                   un dono stupendo

                                   che slarga el to core.

                                   Adesso sta chieta

                                   e varda su in alto,

                                                           rùmega manco

                                                           e ringrazia el Signore